gary_anakin on Xanga

Weblog

Wednesday, 08 April 2009

從網上看到的一篇文章...不錯不錯~

如果閣下有以下症狀:
- 想傳不想傳的短信
- 想打不敢打的電話
- 思想比孩子更無知
- 每天憧憬美好愛情
- 關心電話是誰致電
- 朋友來電無顧失落
- 需要兩小時的打扮
- 表現興奮過度活躍
- 時而自信時而自卑
- 重複發問感覺真確
- 有時驚慌有時勇敢
- 心紅加速面紅耳熱
無需擔心，這証明你已經愛上了某個人，也說明未知那個人愛不愛你。

在這個單方面猜測的過程中，有此症狀是很正常，並沒有預防和診治方法。

不管我們愛過多少次；每當重新愛上一個人，也會變得像個孩子，好像從來沒有愛過一樣，就如重新來到一個新的國度，什麼事情也要再次摸索。

唯一的解藥:對方的反應與你一致，並且作出愛的回應。

Saturday, 28 March 2009

<< This is how the March ends >>
3月陰天既時間多左, 同時間潮濕既天氣六成為3月既特色..... 周圍既環境已經濕濕"lup lup", 同時懶散既態度都好似透過係空氣傳播既病毒咁逐少逐少地滲入毛孔.... 大腦開始懶得去理性分析, 有時更有諗過不如攤係床上一次過訓晒成世人既quota. 簡單的講, 就係對好多事都失去左一種動力 ---- 讀書, 工作, 社交, 朋友, 家人, 感情等等最近對我黎講突然變得好可有可沒..... 或者呢的就係所謂既"自我抽離".... 有人話只有理性既人先懂得自我抽離, 但原來某程度上呢個係好一種幾恐佈既經歷. 曾經, 我有想過將自己遠離一切朋友同家人, 摒棄一直堅持既生活; 有否成就也好, 受人認同與否也好, 總之自己唔會死就是了. 但只係一夜既失眠, 我明白到原來自己既軟弱就連一夜既寧靜都熬不住: 只係一刻既無聲都已經嚇得發瘋似的, 試問又如何可以接受到永遠既安靜??
於是我承認自己既軟弱, 放棄左"放棄"既念頭. 但當重新回歸"地球表面"同時, 又發現到身處既地方原來已經變到十分陌生; 就係自我反思既期間, 身邊既一切原來一早已經變成不再熟悉. 兩眼看到既都彷彿扭曲到模糊不清. 霎時之間璀實有諗過呢個世界係咪痴晒線; 點解雙眼所見, 雙耳所聽或親身所感受到既好似沒有絲毫真正既快樂..... 出奇地, 人往往係受壓迫既時候先會識得用下腦諗野; 其實人都係好簡單既動物, 遇到唔開心既回憶既時候就會找一大堆無謂既事物淹沒自己, 就好似吸毒咁, 這不但會令人上癮, 而且份量更係每況愈上; 直到一日當呢的事情不能再蓋過不快既事情, 人就會發瘋. 而我, 正正就係一個活例.
所以, 係3月末端, 我發現所看到的世界比以前所看的更清了一點; 就係世界從來唔會好好遷就任何人. 有人話這是一個殘酷得很既事實, 但相對地, 我更加記得一位朋友同我講過既說話: 從來都沒人話過事實一定係合人心意, 只有學習苦中作樂, 令自我感覺良好就已經足夠. 所以, 既然停頓左整個3月去反思, 係黎緊既日子又要加快腳步去尋找那 "自我感覺良好既生活"吧*

Saturday, 07 March 2009

頭7個weeks 既batch 1 placement @ qmh 就咁就完左喇~~ 雖然好多detail 位唔係好記得清楚, 但可以講既野obs 真係好好玩; 而係qmh既o&g 度做placement 就特別好玩!!l 司徒又教得我地好好, 又同我地好傾得玩得, 真係好似我地啊媽咁!! 係study 上, 雖然佢成日話自己好hea 咁prep, 但我完全feel 到佢真正咁落足晒心機教我地, 又好體諒我地, 見我地釣魚就成日break我地~~ 相信除左啊媽會咁鍚我之後應該沒第個女人會咁對我好== (希望第時會有~~) 佢對男student 既鼓勵都好大; 雖然未必個個媽媽都俾男student involve 既個case 入面, 但司徒會幫我地爭取, 甚至經常鼓勵我地繼續嘗試!!! 沒佢照左, 就唔會有我個7個咁可愛既b女做"老婆仔"~~xp

個人黎講~ 我覺得司徒對我有好大既影響: 其一, 佢remind 返自己做nurse 應有既attitude, 要more respect every client as a different story & respect life as a miracle; 亦因為佢教我既呢種attitude, 令我開始思索下自己將來應該適合邊個department, 令我更加專注咁向住呢個target 出發~~ 最後要講既就係佢教左我好多生活智慧! 自己向來都唔係好有信心既人; 就係因為佢一句"自我感覺良好", 令我更加識得去浪受自己, 從而更懂得做一個"厚臉皮"既男仔~~ 仲有好多好多事件不能盡錄, 但任何時侯我都會好好記住今次既經驗~~ 可以係將來將學過既都一一應用出黎~~

anyway, 頭7個禮拜既placement 完左, 既開心, 又好唔捨得; 開心既係可以跟一個好好既mentor學習, 但同時又覺得時間過得好快.... 原來美好既事情永遠都係係失去左既時候先會發現佢既美~~ 相信呢個係人永遠都改不了既壞習慣, 以前或許會執著於如何改變呢個惡習; 但反正都係一個reflex 改不好既話, 我想我們應該更懂得學習係可以歡樂既時候盡情享受, 即使到最後都係離不了分開, 但至少心裡面已經留左一席位給予當中既回憶~~ 黎緊既日子又要好好的tune下~~ 因為考試, test, project, 工作..... 都好煩, 要安排安排....... 但總之"自我感覺良好"就是了~~

Saturday, 07 February 2009

出左ward 先得個幾個星期.... 雖然宜家寫呢的野真係好似早左的~ 但呢幾日所見到0既野真係好有值得思考既價值~~

以前完全唔待覺得大肚會係咩一回事, 只係會諗住頂多好似放個西瓜係肚度~ 但見住的大肚婆個個都咁辛苦既樣, 真係發現上堂時候 PROFESSOR 真係講得沒錯, 媽媽真係唔易做~ 辛苦唔係在於大左個肚, 而係一系列既轉變; 一旦有少少既事情影響到,無輪生理或心理, 隨時可以對媽媽做成不可磨滅既傷痕. 可能正正因為自己生活係一個比較複雜家庭, 呢幾日我終於明白點解媽媽對某的事情會有咁大既反應, 可能在客觀立場而言的確係小事一樁, 但對"飽歷風霜"既娘親黎講, 原來係一件不能接受既事~~

"舵"住個肚辛苦, 生個陣仲辛苦. 有人話如果10分滿分, 打針痛係一分, 插FOLEY 係9分; 但生仔就會係100分. 由陣痛開始至BB完全由媽媽體內出黎, 可以係3~5個小時內, 亦可以係10幾個小時. 但無輪時間長短, 當中所承巴受既痛楚就正如俾人下下打頭但唔可以還拖...(MENTOR 話簡單的講係痛到想HUM頭埋牆死~) 但係咁辛苦既情況之下都依然要生BB既話, 我覺得媽媽係應該年中無休咁錫佢~ 因為再辛苦都唔夠老母辛苦~~ I LOVE U MAMA~!!!

又或者我地都覺得出NATAL WARD見到好多BB會係一件好開心既事~~ 但其實唔係每個BB都係咁好彩可以黎到呢個世上; 又或者係唔係每個媽媽都可以如願以嘗; 係ANTENATAL WARD 既時候會見過有媽媽好想要BB, 無輪身體上有著多少毛病, 做過之多次影響分娩既手術~ 甚至不育, 都好想有BB; 就算科技自進有IVF但都唔可以百分百保証BB 可以健康存活: 透過IVF CARE TWINS, 但一直不時PVB, 結果20 WKS 都未夠就小產. 但依然再接再厲.... 結果今次又成功接種...但又一直PVB ; 由見紅到見啡, 再由見啡至見紅.... 不斷REPAET 又REPEAT.... 試問點可以想像媽媽會點諗??? 又見過有媽媽得10幾個WKS 左右就穿羊水, 生又唔係, 流產又不忍... 結果又一直腳高頭低咁"LONG" 住個B, 盡量唔俾佢流出黎..... 仕見住呢的媽媽好似好堅強, 但究竟當中有幾多又可以克服到?? 望住佢地, 忍忍感受到佢地既無助同無奈... 說真的, 自己都曾經有一刻濕了眼睛.....有人生仔好似生瘡咁, 但亦有人追極都追唔到..... 生命就係咁~ 儘管我地如何聰明, 但都未必可以掌控一切....

講左一大輪野, 不求什麼, 只係想丙再一次講我地身邊既一切全部都得來不易, 從來都沒人有義務對另一個人負責, 所以, 對一切愛你既人, 你愛既人, 你既愛人等等等等, 都應該好好捉緊那份關愛~ 好好將佢經營; 因為生命都是一個個既奇蹟, 可一不可再~~